لە ئەنجامی ڕوداوێکی هاتوچۆ لەسەر ڕێگەی نێوان چۆمان و سۆران، چوار کەس بریندار بوون و بۆ وەرگرتنی چارەسەری پزیشکی بۆ نەخۆشخانە گواسترانەوە.
موحسین تەحسین، گوتەبێژی بەڕێوەبەرایەتیی هاتوچۆی سۆران ڕایگەیاند، ڕووداوەکە ڕۆژی دووشەممە، 7ی ئەیلولی 2026، لە نێوان تانکەرێک و ئۆتۆمبێلێکی جۆری کامێریدا ڕویداوە.
بە گوێرەی ڕاگەیەندراوی هاتووچۆی سۆران، تیمەکانی هاتوچۆ و فریاگوزاری گەیشتوونەتە شوێنی ڕووداوەکە و بریندارەکانیان بۆ نەخۆشخانە گواستووەتەوە. هاوکات ڕێکارە یاساییەکان و لێکۆڵینەوەکان بۆ زانینی هۆکاری ڕووداوەکە و پاککردنەوەی ڕێگەکە دەستیان پێکردووە.
ڕوداوێکی هاتوچۆ لەسەر ڕێگەی چۆمان - سۆران چوار برینداری لێکەوتەوە
