بەڕێوەبەری گشتیی کاروباری کۆچەرییەکانی پارێزگای ورمێ، ڕایگەیاند تا ئێستا زیاتر لە هەزار پانێلی خۆر بەسەر کۆچەرییەکانی پارێزگاکەدا دابەش کراوە.
بە گوێرەی ڕاپۆرتی ئاژانسی ئیسنا، لەو ژمارەیە ۷۰۰ ئامێریان بە خۆڕایی و ۳۰۰ ئامێریشیان بە داشکاندن بۆ کۆچەرییەکان دابین کراون بە مەبەستی دابینکردنی کارەبای پێویست لەو ناوچانەی کارەبای بەردەوامیان نییە.
ئەمە لە کاتێکدایە زۆریک لە ناوچە سنوورییەکانی ڕۆژهەڵاتی کوردستان هێشتا کارەبایان پێنەگەیشتووە و لەو ناوچانەش کە کارەبا هەیە بەهۆی جەنگی ئێران لەگەڵ ئەمریکا، زۆرێک لە ژێرخانەکان زیانیان پێگەیشتووە و ڕۆژانە چەندین کاتژمێر کارەبا دەپچڕێت.