فەرزانە سادق، وەزیری ڕێگاوبان و گەشەپێدانی شارەکانی ئێران لە کۆنگرەیەکی ڕۆژنامەوانیدا ئاماری ئەو زیانانەی خستەڕوو، کە بەهۆی جەنگی ئەمریکا و ئیسرائیلەوە بەر کەرتی گواستنەوەی ئاسمانی و دەریایی وڵاتەکەی کەوتوون.
وەزیری ڕێگاوبانی ئێران ڕایگەیاند، بەهۆی جەنگەکەوە بە گشتی زیانی بچووک و گەورە بەر نزیکەی 100 فڕۆکە کەوتووە، کە لەو ژمارەیە 8 فڕۆکەیان بە تەواوەتی لەناوچوون.
فەرزانە سادق دەربارەی زیانەکانی کەرتی دەریاییش ئاماژەی بەوە کرد، نزیکەی 140 کەشتیی مەدەنی و تایبەت زیانیان بەرکەوتووە، کە کەشتیی بارهەڵگر و کەشتیی نەفەرهەڵگری ناوخۆیی دانیشتووانی بەندەرەکانیشیان تێدایە.
وەزیری ڕێگاوبانی ئێران: بەهۆی جەنگەوە 100 فڕۆکە و 140 کەشتی زیانیان بەرکەوتووە
