ناوەندی ڕاگەیاندنی پەرلەمانی عێراق ڕایگەیاند، ڕۆژی پێنجشەممە (15ی تشرینی یەکەمی 2026) دانیشتنی پەرلەمان بۆ دەنگدان لەسەر پرۆسەی پڕکردنەوەی وەزارەتە بەتاڵەکان، وەزارەتە تازە پێکهێندراوەکان و بەربژێرانی جێگری سەرۆکوەزیران بەڕێوە دەچێت.
ناوەندی ڕاگەیاندنی پەرلەمانی عێراق بەرنامەی کاری ڕۆژی پێنجشەممەی بڵاو کردەوە، کە تێیدا هاتووە دانیشتنەکە بۆ پڕکردنەوەی پۆستە وزارییەکان و دەنگدان لەسەر بەربژێرانی پۆستی جێگری سەرۆکوەزیران دەبێت.
ئەم بڕیارەی پەرلەمان دوای ئەوە هات، ئەمڕۆ عەلی فالح زەیدی، سەرۆکوەزیرانی عێراق، نووسراوێکی فەرمیی ئاراستەی سەرۆکایەتیی پەرلەمان کرد و تێیدا داوا کرد ڕۆژی پێنجشەممە وەک کاتی دانیشتنی پەرلەمان دیاری بکرێت.
پەرلەمانی عێراق ڕۆژی پێنجشەممە بۆ پڕکردنەوەی وەزارەتە بەتاڵەکان کۆدەبێتەوە
