ئەمڕۆ دووشەممە، ٧ی ئەیلوولی ٢٠٢٦، نێچیرڤان بارزانی، سەرۆکی هەرێمی کوردستان، پێشوازی لە عەممار حەکیم، سەرۆکی رەوتی حیکمەی نیشتمانی و شاندێکی یاوەری کرد و لە کۆبوونەوەیەکدا دۆخی گشتیی عێراق و هەرێمی کوردستانیان تاوتوێ کرد.
بەگوێرەی ڕاگەیێندراوی سەرۆکایەتیی هەرێمی کوردستان، لە دیدارەکەدا هەردوولا جەختیان لە گرنگیی بەردەوامیی کارکردن بۆ بەرەوپێشبردنی پەیوەندییەکانی نێوان هەولێر و بەغدا و چارەسەرکردنی کێشە هەڵپەسێردراوەکان لەڕێگەی دیالۆگ و لێکتێگەیشتنەوە کردەوە،
هەروەها پشتیوانیی خۆیان بۆ حکومەتی عێراق لەپێناو سەرخستنی کارنامەکەیدا دووپاتکردەوە.
دوایین پێشهات و لێکەوتەکانی دۆخی ناوچەکەش تەوەرێکی تری گفتوگۆکانی نێوان هەردوولا بوو. شایەنی باسە عەممار حەکیم بەیانیی ئەمڕۆ بە سەردانێک گەیشتە هەولێر و بڕیارە لە ماوەی سێ ڕۆژدا لەگەڵ بەرپرسانی باڵای هەرێم، لایەنە سیاسییەکان، کەسایەتییە ئایینییەکان و نوێنەرانی پێکهاتەکان کۆببێتەوە.