سەرۆککۆماری ئێران، ئەمریکا بە هۆکاری شکستی دانوستانەکان تۆمەتبار دەکات و دەڵێت، ئامانجی واشنتن گۆڕینی ڕژێمی کۆماری ئیسلامییە.
مەسعود پزشکیان لە میانی کۆبوونەوەی لەگەڵ وەزیری دەرەوەی ئەرمەنستان گوتی، هەر جارێک ئێران بۆ گفتوگۆ لەگەڵ ئەمریکا کۆبووەتەوە، دواتر جەنگی بەسەردا سەپێنراوە و بۆردومان كراون ئه‌وه‌ش ئاماژه‌یه بۆ ئه‌وه‌ی کە ئامانجی ئەمریکا گفتوگۆ نییە، بەڵکو گۆڕینی رژێمی کۆماری ئیسلامییە.
ئاشکراشیکرد، هەر جارێک پشکنەرانی ئاژانسی نێودەوڵەتی وزەی ئەتۆمی سەردانی ئێرانیان کردووە، ناوەندە ئەتۆمییەکان و زانایانی ئێرانی ناسێنراون و دواتر ئەو ناوەندانە بۆردومان کراون و زاناکانیشیان کوژراون.
پزشکیان گوتیشی، تاران بەردەوام ئامادەیی خۆی بۆ گفتوگۆ سەبارەت بە بەرنامە ئەتۆمییەکەی نیشانداوە.