نووسینگەی دەستەی ڕاگەیاندن و پەیوەندییەکان لە پارێزگای کەربەلا، بە هەماهەنگی لەگەڵ دەزگای ئاسایشی نیشتمانی و لایەنە هەواڵگرییە تایبەتمەندەکان، هەڵمەتێکی مەیدانیی هاوبەشی ئەنجام دا و لە ئەنجامدا بارەگای سەرەکیی کۆمپانیای "کۆڕک تیلیكۆم" لەو پارێزگایە داخست، کە ئەمەش لە چوارچێوەی ڕوشوێنە یاساییەکاندایە بەرامبەر بە کۆمپانیاکە.
دەستەکە ڕایگەیاند کە ئەم هەڵمەتە لە چوارچێوەی بەدواداچوون بۆ جێبەجێکردنی بڕيار و ڕێنماییە دەرچووەکانە سەبارەت بە کۆمپانیای کۆڕک تیلیكۆم.
جەختیشی کردەوە کە نووسینگەکانی لە پارێزگاکان بەردەوامن لە هەماهەنگی لەگەڵ هێزە ئەمنییەکان بۆ دڵنیابوون لە جێبەجێکردنی ئەو ڕوشوێنانە بەپێی چوارچێوەیە یاساییە پەسەندکراوەکان.