بەگوێرەی زانیارییەکان، ئاگرێکی گەورە لە کۆگایەکی بەنزین لە گوندی پیرداود لە ناحیەی شەمامک لە سنووری پارێزگای هەولێر کەوتووەتەوە و دووکەڵێکی چڕ ئاسمانی ناوچەکەی داپۆشیوە.
تیمێکی بەرگریی شارستانی گەیشتوونەتە شوێنی ڕووداوەکە و سەرقاڵی هەوڵدان بۆ کۆنترۆڵکردنی ئاگرەکەن کە خێراییەکی زۆری هەبووە و تەشەنەی سەندووە.
هاوکات، گومان دەکرێت چەند هاووڵاتییەکی عەرەب لە ناو کۆگاکەدا گیریان خواردبێت.
هێزە ئەمنییەکان بازنەیەکی ئەمنییان لە دەوروبەری شوێنەکە دروست کردووە، چونکە مەترسیی تەقینەوە و فراوانتربوونی ئاگرەکە هەیە، بەو هۆیەوە ڕێگە بە تیمەکانی ڕاگەیاندن و میدیاکان نادرێت لە شوێنی ڕووداوەکە نزیک ببنەوە.
نوێ دەکرێتەوە...