دەزگای ئاسایشی هەرێم ڕایگەیاند کە کاتژمێر 03:10ـی بەیانیی ڕۆژی دووشەممە 14ـی 9ـی 2026، بە پێنج موشەک هێرشکراوە سەر چەند ناوچەیەک؛ سێ موشەک ئاڕاستەی زڕگوێزەڵە کراون.
موشەکێک لە نزیک گوندی گورگەچیا لە ناحیەی سیروان کەوتووەتە خوارەوە، و موشەکێکی تریش لە نێوان گوندەکانی داری زاین و میراسی خواروو لە قەرەداغ تەقیوەتەوە.
ئاسایشی هەرێم ئەوەشی خستە ڕوو که لە ئەنجامی هێرشەکاندا هیچ زیانێکی گیانی نەبووە، و داوای لە هاووڵاتییان کرد لە پێناو پاراستنی سەلامەتییان لە دواى هێرشەکان نزیکی ئەو شوێنانە نەبنەوە و دەستکاریی پارچە و پاشماوەی موشەک و درۆن نەکەن.