دەستەی موقاوەمەی ئیسلامی، کە چەترێکی کۆکەرەوەی گروپە چەکدارەکانی عێراقە لە ڕاگەیەندراوێکدا بە توندی تۆمەتەکانی وەزارەتی بەرگریی سعودییەی ڕەت کردەوە، گوایە لە خاکی عێراقەوە و بە درۆن هێرش کراوەتە سەر دامەزراوە نەوتییەکانی سەر بەو وڵاتە.
ئەمە لە کاتێکدایە، وەزارەتی بەرگریی سعودیە پێشتر ڕایگەیاند بوو هێرشی درۆنی لە خاکی عێراقەوە ئاڕاستەی بنکە سەربازییەکانی کراوە و هۆشداریی توندیدا، کە وەڵامی توندیان لە بەرامبەر ئەو هێرشانەدا دەبێت.
سەباح ئەلنەعمان، گوتەبێژی فەرماندەی گشتیی هێزە چەکدارەکانی عێراق ڕایگەیاند، حکومەتی بەغدا پابەندە بە بنەما دەستوورییەکان و ڕێگە نادات خاکی وڵاتەکەی بۆ هیچ دەستدرێژییەک بەرامبەر ئاسایش و سەروەریی وڵاتانی دراوسێ بەکار بهێنرێت.
هۆشدارییەکەی مقاوەمەی ئیسلامی لە کاتێکدایە، بە فەرمانی عەلی زەیدی، سەرۆکوەزیران و فەرماندەی گشتیی هێزە چەکدارەکانی عێراق، دەزگا ئەمنییەکان ڕاسپێردراون لێکۆڵینەوەی مەیدانی لەسەر ڕاستیی بانگەشەکانی سعودیە ئەنجام بدەن.
گروپە چەکدارەکانی عێراق ئەنجامدانی هێرشی درۆنی بۆ سەر سعودیە ڕەت دەکەنەوە
