لە چوارچێوەی بەردەوامیی فشارە نێودەوڵەتییەکان بۆ سەر ئێران، وەزارەتی خەزێنەی ئەمریکا سزای بەسەر 27 کۆمپانیای فڕۆکەوانیی ئێرانی و دەیان کەسایەتی و دامەزراوەی پەیوەندیداردا سەپاند.
هاوکات شانشینی یەکگرتووی بەریتانیاش ڕەشنووسێکی نوێی بۆ توندکردنەوەی سزاکان بۆ سەر ئێران پێشکەشی پەرلەمانی وڵاتەکەی کرد.
بە گوێرەی ڕاگەیەندراوی وەزارەتی خەزێنەی ئەمریکا، 36 کەس و دامەزراوەی پەیوەندیدار بە بواری فڕۆکەوانیی ئێران خراونەتە لیستی ڕەشەوە، لەوانەش کۆمپانیا سەرەکییەکانی وەک (ئێران ئەیرتور، ئاسمان، قەشم ئەیر، کیش ئەیر، زاگرۆس، سێپێهران و وارەش)؛ ئەمەش بە تۆمەتی تێوەگلان لە گواستنەوەی نایاسایی فڕۆکە و کەرەستەی ئەمریکی.
لە لایەکی دیکەوە، حکومەتی بەریتانیا ڕەشنووسی یاسایەکی نوێی ئاڕاستەی پەرلەمان کردووە، ئامانج لێی سەپاندنی سنووردارێتیی زیاترە بەسەر کەرتی بازرگانی، دارایی و کەشتیوانیی ئێراندا. لە پەرلەمان پڕۆژەکە پەسەند بکات، هاتنی سەرجەم فڕۆکەکانی ئێران بۆ ئاسمانی بەریتانیا (جگە لە حاڵەتی زۆر تایبەت) بە تەواوی قەدەغە دەکرێت.