لە درێژەی لێدوانەکانیدا لە ٥٨ەمین فێستیڤاڵی کلتوور و هونەری تەتوان لە باکووری کوردستان، چەتین ئارکاش، ئەندامی سکرتاریەتی ئیمراڵی، جەختی لەوە کردەوە کە یاسای چوارچێوە بەتەنها ناتوانێت هەموو کێشەکان چارەسەر بکات، بەڵکو تەنها دەرگایەکە بۆ چارەسەرکردنی پرسی کورد.
ئارکاش لە گوتەکانیدا ڕایگەیاند کە پڕۆسەی ئاشتی پرۆسەیەکی دۆڕان یان سەرکەوتنی لایەنێکی دیاریکراو نییە، بەڵکو پرۆسەیەکە کە تێیدا هەموو گەلانی ڕۆژهەڵاتی ناوەڕاست پێکەوە سوودمەند دەبن.
هەروەها هۆشداری دا لە هەوڵەکانی دوورخستنەوەی گەنجان لە سیاسەت و داوای لێکردن لە دژی ماددە هۆشبەرەکان و خراپەکارییەکان بەرگری لە خۆیان بکەن.