وەزارەتی ناوخۆی هه‌رێمی كوردستان داوا له هاوڵاتیان ده‌كات له‌م دۆخه‌ی ئێستادا، تەنیا لەسەرچاوە فەرمییەکانی حکومەتی هەرێمه‌وه زانیاری وەربگرن و نەکەونە ژێر کاریگەری پڕوپاگەندەوە.
وەزارەتی ناوخۆ لە ڕونکردنەوەیەکدا ڕایگەیاندووه، بەهۆی ئەو بارودۆخەی لە ناوچەکە و عێراق هەیە، هەندێك سەرچاوە زانیاری نادروست دەربارەی ئەمنی هەرێمی کوردستان بۆ ئاڵۆزکردنی زیاتری دۆخەکە و بڵاوکردنەوەی ترس و تۆقاندن لەناو هاوڵاتیان بڵاودەکەنەوە.
هەر لە ڕاگەیەنراوەکەشدا، ئاگاداری هاوڵاتیان دەکەن تەنها لە سەرچاوە فەرمییەکانی حکومەتی هەرێمی کوردستانەوە زانیاری وەربگرن و نەکەونە ژێرکاریگەری پڕوپاگەندەی نە یارانەوە.
داواش لە کەناڵەکانی ڕاگەیاندن دەکه‌ن بە وریایی مامەڵە لە گەڵ هەر هەواڵ و زانیارییەک بکەن کە پەیوەندی بە ئاسایشی هاوڵاتیانه‌وه هەبێت و به‌بێ وردبینی لەگەڵ لایەنی پەیوەندیدار زانیاری نا دروست بڵاو نەکەنەوە.