بەڕێوەبەرایەتیی ئەوقافی سلێمانی ڕێنمایی نوێی ئاڕاستەی سەرجەم نوێژخوێن و وتارخوێنانی سنوورەکەی کردووە سەبارەت بە هۆڵەکانی پرسی مزگەوتەکان، بە مەبەستی ڕێگریکردن لە بارگرانیی دارایی لەسەر هاوڵاتییان:
-
نرخی قورئانخوێن: پێویستە پابەند بن بەو نرخەی لەلایەن وەزارەتەوە دیاری کراوە کە لە ٥٠,٠٠٠ بۆ ٧٠,٠٠٠ دینارە.
-
مۆڵەتنەدان بە دەستوەردان: مامۆستایانی مزگەوت نابێت دەستوەربدەن لە کرێی خێمە، کورسی، یان قورئانخوێن.
-
داوانەکردنی پارەی زیاده: قەدەغەیە هیچ بڕە پارەیەک بە مەبەستی کرێی هۆڵی پرسه یان هەر بابەتێکی تر وەربگیرێت.
-
قەدەغەکردنی قاوە و چا: ڕێگە نادرێت قاوە و چا لە کاتی پرسەدا دابنرێت، بەهۆی دروستکردنی بارگرانیی دارایی و ناشیرینکردنی سیمای مزگەوت بە بەجێهێشتنی پاشماوە.
-
کاتی پرسە: لە کاتژمێر ١ی پاشنیوەڕۆ دەست پێ دەکات تا دوای ئه‌نجامدانی نوێژی عەسر کۆتایی پێ دێت. هیچ کاتێکی تر (وەک شەوان یان بەیانیان) بۆ پرسه ڕێگەپێدراو نییە.
-
سوودوەرگرتن لە تەکنەلۆجیا: ڕێگە دەدرێت لە کاتی پرسەدا ئامێری ئەلیکترۆنی بۆ خوێندن و وەرگێڕانی قورئان بەکاربهێنرێت.