جارێکی دیکە هێرشکرایەسەر حزبەکانی ڕۆژهەڵاتی کوردستان و، سازمانی خەباتی کوردستانی ئێران ڕایگەیاند، بارەگاکەیان لە ناوچەی تۆپزاوا لەسەر رێگەی هەولێر - مەخموور کراوەتە ئامانج.
بەپێی گرتە ڤیدیۆییەکانی هێرشەکە، درۆنێکی خۆکوژی لە ناوچەیەکی نیشتەجێبووندا دەکەوێتە خوارەوە و ڕاستەوخۆ بەر یەکێک لە ساختمانەکانی ناو بارەگاکە دەکەوێت.
دوای بیستنی دەنگی تەقینەوەیەکی بەهێز، دووکەڵێکی چڕ و ئاگر لە شوێنی رووداوەکە بەرزبووەتەوە.
سازمانی خەبات یەکێکە لە حزبەکانی ڕۆژهەڵاتی کوردستان و ئەندامی هاوپەیمانیی حزبەکانی ڕۆژهەڵاتی کوردستانە، کە بارەگای سەرەکییان لەسەر ڕێگەی سەرەکیی هەولێر - مەخموورە.