سەرۆکوەزیرانی عێراق و ئەمیری دەوڵەتی قەتەر، لە پەیوەندییەکی تەلەفۆنیدا دوایین پێشهاتە ئەمنییەکانی ناوچەکەیان تاوتوێکرد.
بەگوێرەی راگەیەندراوێکی نووسینگەكه‌ی، محەمەد شیاع سودانی سەرۆکوەزیرانی عیراق و تەمیم بن حەمەد ئال سانی ئەمیری دەوڵەتی قەتەر، جەختیان لە پێویستی راگرتنی دەستبەجێی هێرشە سەربازییەکان کردەووە.
هەروەها داوایان کردووە، بە گفتوگۆ چارەسەریی کێشەکان بکەن.
سودانی و ئەمیری قەتەر ئاماژەیان بەوەکردووە، ئەم پەرەسەندنە مەترسیدارانە، کاریگەری راستەوخۆیان لەسەر ئاسایشی ناوچەیی و نێودەوڵەتی دەبێت.
هەروەها، داوایان لە کۆمەڵگەی نێودەوڵەتی و وڵاتە زلهێزەکان کرد، بەرپرسیاریەتی خۆیان لە چەسپاندنی ئاشتی و سەقامگیری لە جیهاندا، جێبەجێ بکەن.