Civîna 33'emîn a Şêwirmendî û Nirxandinê ya ku bi serokatiya Serokomarê Tirkiyê Erdogan pêk hat hefteya borî li navçeya Sapanca ya Stenbolê hate lidarxistin.
Hat ragihandin ku qanûna çarçoveyê ya pêvajoya çareseriya nû, yek jî mijara civînê bû.
Ajansa BBC Tirkî ku xwe dispêre parlamenterên ku di civînê de amadebûn û dibêje Edogan gotiye beriya parlamento bikeve betlanê dê qanûn teqez derkeve.
Wê 5 hezar endamên rêxistinê ji qanûna çareseriyê sûdê bigrin
Li gor heman çavkaniyê, dibêje di civînê de hatiye gotin ku wê qanûna ku were derxistin 5 hezar endamên rêxistinê yên çek danîne sûd werbigrin.
Dîsa li gor hat gotin ku qanûna ku were derxistin ‘’Efû’’ venahewîne, endamên rêxistinê ên tevlî sûc nebûne hatina wan dê bê teşwîqkirin û li ser hin formîlên daxistina cezayê xebat bê meşandin.
Li gorî agahiyên ku çavkaniyên partiyê dane, çarçoveya qanûnê li Parlamantoyê bikeve meriyete, nayê wê wateyê ku rêxistin, dev ji şertê “teyîd û tespîtkirina” rawestandina çekan berdaye.
Di navbera sepandina qanûnê û pêvajoya teyîd û tespîtkirina terkîna çekan a rêxistinê de mekanîzmayeke hemahengî tê plankirin ku her du alî bi hev re bixebitin.
Numan Kurtulmuş: Qanûna bingehîn şert e
Serokê Meclisa Tirkiyê Numan Kurtulmuş jî, piştî hevdîtina xwe ya bi Serokê Parlamentoya Norweçê Masud Gharahkhanî re, têkildarî pêvajoyê bersiva rojnamevanan da.
Di çarçoveya Pêvajoya Aştî û Civaka Demokratîk de, li ser amadekirina rêziknameyên qanûnî yên plankirî Numan Kurtulmuş ragihand ku:
“Ji niha û pê ve divê ev kar bê paşguhkirin, bê derengxistin û bi ti awayî ti hûrguliyeke piçûk jî nehêle, baş were plankirin û Tirkiye vê gavê bavêje. Ev şert e.
Her wiha wî bal kişand ser rapora komisyonê û got:
Kurtulmuş diyar kir ku divê rêziknameya qanûnî ya derbarê Pêvajoya Aştî û Civaka Demokratîk de, bi îradeya hevpar a Meclisê were amadekirin.
