Li bajarokê Dêrgulê yê girêdayî navenda Şirnexê, di 4’ê Mijdara 2025’an de bûyereke şewitandina du otomobîlan pêk hatibû. Di çarçoveya lêkolîna ku ji aliyê meqamên dadwerî ve li ser vê bûyerê dihat meşandin de, biryara binçavkirina sê ciwanan hat dayîn.
Li gorî agahiyên ku hatine bi dest xistin, beriya du rojan her sê ciwan bi hinceta ku “îfadeya we heye” hatin gazîkirin. Lê belê, piştî çûna wan a navendê, bi îdiaya şewitandina otomobîlên navborî hatin binçavkirin.
Sê ciwanên ku du rojan di binçavkirinê de man, îro sewqî dadgehê hatin kirin. Dadgehê piştî girtina îfadeyan, bi heman îdiayê biryara girtina her sê ciwanan da û ew şandin girtîgehê.
