Siyaseta dersînorkirina koçberan her diçe berbelavtir dibe.
Serokê Kolombiyayê Abelardo de la Esprilla soz da ku ew ê bi hezaran koçberên bêbelge dersînor bike.
De la Esprilla beriya sê hefteyan sond xwar ku ew ê fermanê bide Xizmeta Koçberiyê ya Neteweyî ya welêt, bi hevkariya polîsên Kolombiyayê serdegirtinan pêk bîne.
Serokê Kolombiyayê siyaseta nû bi vîdyoyekê li ser hesabê xwe yê X`ê ragihand.
Di vîdyoyê de ew li ser çend tedbîrên ji bo kêmkirina sûc û rûbirûbûna bi komên sûcdar re axivî.
Serokê Kolombiyayê diyar kir ku dezgehên sepandina qanûnê wê pêşî koçberên ku "sûcê dikin" hedef bigirin.
Piştre jî yên ku li welêt bêyî statuya qanûnî ne, hedef bigire.
De La Esprilla: Ez ti koçberên neqanûnî qebûl nakim
De La Esprilla di vîdyoyê de wiha got:
"Ez ti koçberên neqanûnî qebûl nakim, ger ji ku derê hatibin.
Ew ê neçar bimînin ku derkevin û werin dersînorkirin.
Ev biryareke siyasî ye, ez berpirsyariya wê digirim ser xwe."
Piraniya koçberên ku li Kolombiyayê dijîn, ji welatê Venezuelaya cîran tên.
Serokê Kolombiyayê nêzîkî Serokê Amerîkayê Donald Trump e.
