Di saetên serê sibehê de pêleke mezin a êrîşên esmanî yên Rûsyayê li seranserê Ukraynayê dest pê kir û dengê teqînên li pey hev paytext Kiyêv hejand. Li gorî zanyariyên herêmî, artêşa Rûsyayê moşekên balîstîk û dronan bi kar anîn, ku di encamê de perçeyên çekan ketin hewşa avahiyeke niştecîhbûnê ya li Kiyêvê, li bajarên Krîvî Rîh û Zaporîjyayê jî di encama êrîşê de herî kêm 5 sivîl birîndar bûn.
Wezareta Parastinê ya Rûsyayê ragihand ku van derbên hûr û kûr bi serkeftî binesaziyên krîtîk mîna parzûngeha pêtrolê ya Kremenchukê, tora elektrîkê ya bendergehan, embarên mezin ên çekan ên li Odesa û navendên lojîstîk ên dronan ("San-Park" û "Alexandrovsky") li nêzî paytextê hingavtine. Karbidestên rûs diyar kirin ku ev operasyon rasterast ji bo tewandina xetên lojîstîk û pûçkirina êrîşên Ukraynayê yên li ser axa Rûsyayê hatiye encamdan.
