Rûsya îdia dike ku Tirkiyê û Amerîka çekên Amerîkî yên li depoyên Tirkiyê bi rêya axa xwe dişînin Ûkraynayê da ku depoyên xwe yên kevn vala bikin. Berdevka wezareta derve ya Rûsiya Maria Zakharova hişyarî da ku ev rewş dê zirareke mezin bide têkiliyên dualî û Moskow li benda zelalkirinê ye.
Maria Zakharova destnîşan kir ku agahiyên li ser operasyonê belav dibin hîn ne zelal in.
Berdevka Wezareta diyar kir ku Moskov "hîn jî li benda bersivek ji Washington û Enqereyê ye.
Her wiha diyar kir ku ev pirsgirêk dikare bandorê li ser rêça çareseriya Ûkraynayê û perspektîfên gihîştina çareseriyek domdar bike.
Li gorî agahiyên berdest, Enqereyê di çarçoveya hewldanên xwe yên modernîzasyonê de dixwaze depoyên leşkerî yên kevn û zêde ji holê rake û barê depokirina alavan kêm bike.
© 2026 – NÛÇE TV Hemû maf parastî ne. Nûçe Rastî ye