Careke din Ûkrayna û Rûsya êrîşî hev kirin.
Rûsyayê diyar kir ku hêzên wê şeva borî 3 benderên Ûkraynayê kirin armanc.
Rûsyayê got ku wan êrîş li ser binesazî, tesîsên barkirin û valakirinê û depoyên sotemeniyê yên ku piştgiriya artêşa Ûkraynayê dikin, pêk aniye.
Wezareta Parastinê ya Rûsyayê ragihand ku hêzên Rûsyayê li bendera Mykolaiv a Ûkraynayê keştiyeke barhilgir a girseyî topbaran kirin.
Wezaretê zêde kir ku keştî barhilgireke leşkerî a Ûkraynayê hildigirt.
150 kes ji ber êrîşên Rûsyayê bê kehrebe mane
Şîrketeke belavkirina kehrebeyê ya Ûkraynayê ragihand ku êrîşa Rûsyayê li ser santrala kehrebeyê ya li bajarê Chernihiv a bakurê Ûkraynayê bûye sedema qutbûna kehrebeyê.
Her wiha di encamê de bandor li nêzîkî 150,000 kesan hatiye kiriye.
Hêzên Rûsyayê 2 bajarokên herêma Xarkîv a Ûkraynayê kontrol kirin
Ji aliyekî din ve Wezareta Parastinê ya Rûsyayê destnîşan kir ku hêzên koma "Bakur" a Rûsî bajarokên Zakharovka û Ivashkino li herêma Xarkîvê a Ûkraynayê kontrol kirin.
Di heman demê de jî Ûkraynayê êrîşî Rûsyayê kir.
Rûsya: Pergala me ya parastina asmanî 571 dronên Ûkrayna anîne xwarê
Ji aliyê xwe ve, Wezareta Parastinê ya Rûsyayê destnîşan kir ku pergalê wê yên parastina asmanî di şevê de 571 dronên Ûkrayna anîne xwarê.
Li gorî raporên medyaya herêmî ya Rûsyayê, êrîşeke dronan a Ûkraynayê depoyek li nêzî Sanpîtir Pûrk hedef girt û bû sedema agir û dûmaneke stûr.
Kîev got ku ev kampanyaya êrîşên cezakirinê ye û di serî de tesîsên petrolê yên Rûsyayê hedef digire û dibe sedema krîza giran a sotemeniyê li yek ji mezintirîn welatên hilberîna petrolê ya cîhanê.
Li gorî amarên ku AFP’ê eşkere kiriye, ji meha hezîranê û vir ve zêdetirî 90% ji herêmên Rûsyayê rastî kêmasiya sotemeniyê, hatine.
