Rûsya û Ûkraynayê careke din êrîşî hev kirin.
Karbidestên Ûkraynî diyar kirin ku Rûsyayê bi çend mûşekan deverên hundirê Ûkraynayê, Kîev di nav de, armanc kirin.
Parêzgarê leşkerî yê Kîevê Timur Tkachenko bi postekê li ser Telegramê got:
"Dijmin bi mûşekên balîstîk êrîşî paytextê dike."
Hêza Hewayî ya Ûkraynayê got ku herî kêm du mûşek ber bi Kîevê ve hatine avêtin, di heman demê de mûşekeke din jî ber bi herêma Poltava ya navenda Ûkraynayê ve hatiye avêtin.
Rûsya: 555 dronên Ûkraynayê hatin xistin
Her wiha Rûsyayê ragihand ku sîstemên wê yên parastina hewayî, di şevekê de li ser gelek herêman, 555 dronên Ûkraynayê asteng kirine û têk birine.
Lê belê, şaredarê Moskovayê got ku nêzîkî 180 dronên ku ber bi paytextê ve hatine avêtin, anîn xwarê.
Wezareta Tenduristiyê ya Rûsyayê ragihand ku di êrîşa li ser herêma sînorî ya navbera Rûsyay-Ûkraynayê de, 7 kes birîndar bûn.
Wezîrê Derve yê Rûsyayê Sergey Lavrov jî piştrast kir ku êrîşa li ser Rûsyayê bi zanebûn hatiye kirin.
Sergey Lavrov diyar kir ku armanca Ûkraynayê ji van êrîşan tirsandina gel e.
Ajansa nûçeyan a Rûsyayê RIA Novosti diyar kir ku piştî raporên êrîşên dornî, tevgera trafîkê li ser Rêya Dorhêl a Moskovayê, nêzîkî parzûngeheke petrolê hatiye rawestandin.
Ev 4 sal in Rûsya û Ûkrayna nagihêjin rêkeftinekê
Ev zêdeyî çar salan e şerê li Ûkraynayê berdewam dike.
Her du aliyên şer, Rûsya û Ûkraynayê, di mehên dawî de êrîşên xwe yên asîmanî zêde kirine
Di encama van êrîşan de gelek sivîl bûne qurban.
Serokê Amerîkayê Donald Trump, roja sêşemê, di civîna bilind a G7 de, diyar kiribû ku divê Rûsya "bigihêje rêkeftinekê".
Di heman demê de Trump diyar kir ku cezayên ji aliyê Washington ve li ser Moskovayê hatibûn rakirin, dibe ku ji nû ve vegerin.
Lê belê, artêşa Ûkraynayê ev angaşt red kir û ew wekî "derew" bi nav kirin.
