Bi çavdêriya Hêzên Sûriya Demokratîk (QSD) û Hêzên Asayîşê, rêyên Til Temir- Dirbêsiyê û Serê Kaniyê ku bi hev ve girêdayîne, hatine vekirin.
Di dema vekirina rê de, yek ji fermandarên QSD'ê Serdar Heleb û fermandarê hêzên Asayîşê Mehmûd Xelîl Elî û şandeyek ji Hikûmeta Veguhêz a Sûriyê amade bûn.
Mehmûd Xelîl Elî di dema vekirina rê de axivî.
Fermandarê hêzên Asayîşê Mehmûd Xelîl Elî diyar kir ku tevahî bendên li ser rê wê werin rakirin û bendeke hevbeş a demkî wê were danîn.
Ev rêyên ku îro hatine vekirin, ji dema dagirkirina Serê Kaniyê ji aliyê dewleta Tirk û çeteyên wê ve di sala 2019'an de girtî bûn.
