Ji 26’ê Nîsana 2026’an ve, rêxistinên jinan ên li Rojava bi armanca piştgiriya Hêzên Parastina Jin (YPJ) kampanyayek dan destpêkirin.
Ji Brezîlyayê ku mîraseke mezin a têkoşîna jinê lê heye jî, piştgirî bi YPJ`ê re hat nîşandan.
Ji aliyê rêxistinên cuda yên jinan û navendên lêkolînên akademîk ve kampanyaya piştgiriya bi YPJ’ê re hat destpêkirin.
Gavên yekem ên kampanyayê li São Paulo ji aliyê Femînîstên Antî-Fasişt û Sosyalîst (FAS), Rêxistinên Jinan û navenda lêkolînên akademîk ve hatin avêtin.
"Têkoşîna me û YPJ`ê yek e"
Muzakereyên DYA û Îranê: Trump zextan girantir dike, Tehran daxwazan red dike
Jinên ku tevlî kampanyaya ‘Em YPJ ne’ê bûn, der barê tevlîbûna xwe ya kampanyayê de daxuyaniyek dan û gotin:
”Têkoşîna berxwedanê ya jinên Kurd û têkoşîna jinên li taxên xizan ên Brezîlyayê yek e.
Parastina laş û axa me, mafê me yê xwezayî ye.
Divê em çand û kevneşopiyên xwe, di heman demê de perwerdehiya zarok û ciwanên xwe biparêzin.
YPJ`ê di navenda şoreşekê de ji bo parastina pergala xwe ya perwerde, ziman, saziyên çandî û qanûnên jinê têdikoşe.
Hikûmeta Veguhêz a Sûriyê dixwaze destkeftiyên jinan bi paş de bibe.
Em jî tevlî kampanyaya jinên Rojava dibin.
Di dawiya daxuyaniyê de diyar kirin ku têkoşîna YPJ’ê, têkoşîna wan e û wê piştgirî bidome.
Ev qonaxa yekem a kampanyayê li seranserî Brezîlyayê bi xebatên agahdarkirin û ragihandinê dest pê kir.
Di mehên Gulan û Hezîranê de jî wekî parçeyek ji kampanyaya ‘Em hemû YPJ ne’ê, li Brezîlya û Amerîkaya Latîn rêxistinbûna çalakî û nîqaşên cuda tê plankirin.
