Efsaneyê futbolê Zinedine Zidane bi Federasyona Futbolê ya Fransayê re gihiştiye peymaneke pêşîn da ku di dema pêş de rola seranserê taximê Neteweyî ya Fransayê bigire.
Li gorî L'Equipe, peyman hîn di qonaxa devkî de ye, û li benda temamkirina prosedurên fermî û ragihandina dawîne.
Ev rê li ber serdemeke nû ji bo taximê neteweyî ya Fransayê vedike.
Didier Deschamps wê piştî kûpaya cîhanê ya 2026'an biçe
Ev pêşveçûn di demekê de tê ku dema serrahênerê niha Didier Deschamps nêzîkî dawiya xwe dibe û tê payîn ku ew piştî Kûpaya Cîhanê ya 2026'an biçe.
Ev yek Zidane dike namzetê herî bihêz ji bo serokatiya projeya din.
Di heman çarçoveyê de, Serokê Federasyona Futbolê ya Fransayê Philippe Diallo piştrast kir ku wî şêwirmendî pêk anî da ku piştî bidawîbûna dema heyî veguhestineke bêkêmasî pêk bîne.
Tê wateya ku nasnameya rahênerê nû ji xwe hatiye diyarkirin, her çend wî navê wî eşkere nekir.
Hêjayî gotinê ye ku ji dema ku Zidane di sala 2021'an de ji Real Madrid veqetiya, ew ji rahêneriyê dûr ketiye û tercîh dike ku li benda derfeta rêvebirina taximê neteweyî ya Fransayê bimîne.
