Navenda Ragihandin û Çapemeniya Hêzên Sûriya Demokratîk QSD`ê bi daxuyaniyekê nasnameya sê şervanên xwe yên ku di cih û dîrokên cuda de şehîd bûne eşkere kir.
Hêzên Sûriya Demokratîk di daxuyaniya xwe de got:" Hevrêyên me Bextyar, Ehmed û Sîpan dema li ser erka xwe bûn di rewşên cuda de gihêştin asta şehadetê."
QSD`ê diyar kir ku hevrêyên wan dema li ser erka xwe ya ji bo parastina herêmê û ewlehiya gel bûn Şehîd ketin.
Li gorî daxuyaniyê nasnameyên şehîdan wiha ye:
Nasnav Bextyar Dirbêsiyê nav û paşnav Ehmed Ebdulbaqî Mihemed ku ji bajarê Dirbêsiyê ye, di 4`ê kanûna 2025`an de di êrîşa DAIŞ`ê ya li Dêrazorê de Şehîd bû.
Nasnav Ehmed Reşo Hesî nav û paşnav Ehmed Reşo Hesî ku ji bajarê Kobanê ye, di 9`ê kanûna 2025`an de di encama nexweşiyek demdirêj de li Dêrazorê Şehîd bû.
Nasnav Sîpan Cuma nav û paşnav Sîpan Hemze Cuma ku ji Tirbespiyê ye, di 9`ê kanûna 2025`an de di encama qezayekê de li Girkê Legê Şehîd bû.
QSD`ê di dawiya daxuyaniya xwe de sersaxî ji malbatên şehîdan re xwest û soza şopandina xeta şehîdan heta pêkanîna armancên wan da.
