Bavê wê di destpêka salên 1980’ê de ji ber zexta siyasî û tevlêbûna wî di çalakiyên sendîkayên çepgir de ji Tirkiyê derket.
Yeşîlgoz di heft saliya xwe de bi dayik û xwişka xwe re weke pênaber çû Hollandayê.
Zarokatî û perwerdehiya xwe li wir temam kir.
Gelek salan li Şaredariya Amsterdamê di warê ewlehî û siyaseta civakî de xebitî û her wiha bi şaxa Holandî ya Rêxistina Efûyê ya Navneteweyî re jî xebitî.
Ji zarokeke koçber ber bi wezîra parastinê ve
Dîlan Yeşîlgoz berî ku tevlî Partiya Gel a Ji Bo Azadî û Demokrasiyê (VVD) bibe, pêşî bi Partiya Sosyalîst re ket siyasetê.
Di sala 2021’ê de, wekî Sekretera Dewletê ya Karûbarên Aborî û Siyaseta Avhewayê û di sala 2022’an de wekî Wezîra Edalet û Ewlehiyê xebitî.
Yeşîlgoz, ku di sala 2023’an de wekî seroka VVD'ê hat hilbijartin piştî Mark Rutte bûye yek ji kesayetên herî bi hêz ên siyaseta Hollandî.
Dîlan Yeşîlgoz, ku di hikûmeta nû ya ku di sala 2026’an de hat damezrandin wekî Wezîra Parastinê û Cîgira Serokwezîr dest bi kar kir.
Dîlan Yeşilgoz wêneyekî ku di dema rêwîtiya xwe ya ber bi Enqereyê ve di balafirê de hatiye kişandin, li ser hesabê xwe yê medyaya dîjîtal parve kir û ragihand ku ew ê di lûtkeyê de li ser ewlehî, têkiliyên hevpeymanan û pîşesaziya parastinê nîqaşên girîng bike.
Îro di civînên NATO’yê de Hollandayê temsîl dike.
Yeşîlgoz beşdarî Foruma Pîşesaziya Parastinê ya NATO’yê bû ku li Enqereyê hat lidarxistin, li wir wê projeyên parastinê nû yên Hollandayê û destpêşxeriyên wê yên hevbeş di nav hevpeymaniyê de ragihand.
