Di daxuyaniyê de hat diyarkirin ku partiyê ji destpêka krîza Sûriyê ve xeta sêyemîn hilbijart û ev jî bû sedema serkeftina şoreşa gelan û di encamê de Rêveberiya Xweser hat avakirin.
Di berdewamiya daxuyaniyê de girêdana PYD'ê bi têkoşîna siyasî û diyalogê ji bo rûniştandina nirxên demokrasiyê, parastina yekparçeya Sûriyê û misogerkirina mafên jinan û yên hemû pêkhateyan, hat dubarekirin.
PYD'ê di daxuyaniyê de pabendî bi yekrêzî û yekhelwesta Kurdî da û bang li Hikûmeta Veguhêz a Sûriyê kir ku şandeya Kurdî vexwîne Şamê.
Di dawiya daxuyaniyê de pabendî bi peymana 10'ê Adarê hat dayîn û amadebûna xwe ji bo têkiliya bi hemû hêzên siyasî, civakî û niştimanî yên Sûriyê û meşa li gorî banga Rêber Abdullah Ocalan a aştî û civaka demokratîk, ragihand.
