Ji bo projeya JES'ê ya ku li bajarê Gimgimê tê karkirin, gelek saziyên sivîl û welatiyên bajêr bertekên xwe nîşan dan.
Bi dirûşmeyên “Gelê Gimgimê JES'ê naxwaze! Dest nede av û axa min” û ji JES`ê re bêje na” nerazîbûna xwe anîn ziman.
Welatiyan bal kişandin ser zirarên projeyê û gotin ku li dijî vê projeyê divê têkoşîneke hevpar bê meşandin.
Platforma Ekolojîyê ya Vartoyê: Erdîngarî tê talankirin
Li ser navê Platforma Ekolojiyê Bahar Koç, metna çapemeniyê xwend û diyar kir ku erdnîgariya Gimgimê bi xeteriya talanê re rû bi rû ye û wiha pê de çû:
"Projeya JES'ê rasterast mudaxaleyeke li ser qadên jiyanê ye.
Divê projeyên JES'ê yên ku bandorê li hevsengiya ava bin erdê û pêkhateya jeolojîk dikin, bi awayekî zanistî bên nirxandin.
Heke zirareke mezin hebe, divê ev piroje were dûrxistin. Her karekî ku bêyî nirxandina zanistî û serbixwe bê kirin, ew li dijî hiqûqê ye."
Bahar Koç: Projeya JES`ê zirarê dide çavkaniyên avê
Di dawiyê de, Bahar Koç diyar kir ku proje zirarê dide çavkaniyên avê, hewa û tenduristiya gel û wiha qedand:
"Axa Gimgimê di cîhana baweriya gelê herêmê de, ne tenê weke erdnîgariyekê tê dîtin.
Talankirineke xwezayê ye, bîra baweriyê ya hezar salan û berdewamiya çandî ya gelê herêmê jî hedef dike.
Em ê bi rêyên hiqûqî û rewa têkoşîna xwe bidomînin.”
