Ji bo wê jî xwendekar û akademîsyenan ji roja sêyemîn ve, xwepêşandanan dikin.
Polîsan destwerdan li xwendekarên ku li Zanîngeha Bilgiyê ya Stenbolê nobetê digirin kir.
Polîsan xwendekar binçav û birîndar kirin
Polîs li dora kampusê hatin bicihkirin û li dijî xwendekaran gaza rondikrêj bi kar anîn û hin xwendekar bin çav kirin.
Hat ragihandin ku Rêveberê Zanîngehê Ege Yazgan di derengiya şevê de, bi xwendekaran re civiya û ragihand ku destûr nayê dayîn ku xwendekar û akademîsyen bikevin kampusê.
Piştî vê biryarê, xwendekaran li dijî vê yekê banga xwepêşandanekê kirin.
Xwendekaran daxwaza rakirina hêzên Polîsê yên li dora Santrala Stenbolê, destûrdayîna ketina endamên zanîngehê bo kampusê û bidawîanîna li dorpêça xwarin û avê kirin.
