Nûnerê Sûriyeyê yê Komîseriya Bilind a Kar û Barên Koçberan a Neteweyên Yekbûyî (UNHCR) Gonzalo Vargas Liosa got, ji 13’ê vê mehê ve, di encama êrişên hêzên Hikûmeta Demkî ya Sûriyeyê û çekdarên alîgirên wê de, nêzî 176 hezar kes ji Siweydayê ber bi Dera û gundewarê Şamê ve koçber bûne.
Gonzalo diyar kir ku komîseriyê û hevkarên wê xebatên xwe yên belavkirina pêdiviyên awarte, desteka derûnî û lênerîna taybet a zarokan zêdetir kiriye.
Nûnerê UNHCR destnîşan kir ku komîseriyê û hevkarên xwe li Sûriyeyê, pêdiviyên awarte li 3 hezar û 570 koçberî belav kirine.