Mueyeneya Bijîşkan gelekî buha bûye û Mesrefên dermankirinê gelekî zehmet e, ji ber wê nexweş berê xwe didin Bijîşkiya Xwezayî.
Li bajarê Hesekê yê Rojavayê Kurdistanê, Navenda Arî ya Tendirustiyê, di cotmeha 2019 an de, ji aliya Weqfa Jina Azad a Suriyeyê ve hat avakirin.
Navend, naxweşiyên zarok û jinan ji saet 8.30 heya 10.30 pêşwazî dike û ya Bijîşkiya Xwezayî jî ji saet 8.30 heya 2.30 e.
Navend ji bo koçberên Serê Kaniyê hatibû vekirin
Endama Komîteya Perwedê, Ruqeye Ebd ElGefûr diyar kir ku di dema koçberiya şêniyên Serê Kaniyê de, me wek alîkarî ev navend ava kir, lê niha ji bo hemû gelên Hesekê ye.
Li navenda Arî ya bajarê Hesekê 3 beş hene
Di navendê de sê beş hene, beşa zarokan, Jinan û Bijîşkiya Xwezayî, pereyekî gelekî kêm ji nexweşan tê standin.
Derman li beşên zarok û jinan bê pere ne
Berpirsa Dermanxaneyê, Ronîda Xelef anî ziman ku derman li her du beşên zarok û jinan bê pere ne.
Bijîşka Beşa Bijîşkiya Xwezayî, Ehlam ElSayêd da zanîn ku di vê beşê de, nexweş bi riya çîçek, giya û tedawiya Fîzîkî tên dermankirin.
Navenda Arî hewl dide mirov li xwezayê vegere
Her wiha bal kişand ser girîngiya derûniya nexweşan û tekez kir ku gava yekemîn ji bo tendirustiyek baş, derûniyek baş e.
Hêviya xwe jî anî ziman ku gel li xwezayê vegere.
Bijîşkiya xwezayî li navenda Arî gelek nexweşiyan çareser dike
Ehlam ElSayêd got:" Gelek kes tên navendê û nexweşiyên dijwar wek: Vîtiligo, Keçelî, sorik û hwd, li vê navendê têne dermankirin.
Rojane ji 10 heya 30 kesan, serdana beşa Bijîşkiya Xwezayî dikin.