Serokê PDK`ê Mezûd Barzanî Nîşana Rêzê ya Asta Bilind a Papayê dewletê herî biçûk di cîhanê de Vatîkanê wergirtibû.
Li ser daxwaza Kardînalê Kildanan Louis Sako û wekî rêzekê ji bo rola wî ya dîrokî û mirovî "nîşana rêzê ya asta bilind a papayê Vatîkanê" dan Serokê PDK`ê Mesûd Barzanî.
Serokê Herêma Kurdistanê Nêçîrvan Barzanî, ji bo wergirtina nîşana bilind a Papayê Vatîkanê bi peyamekê Serokê PDK`ê Mesûd Barzanî pîroz kir.
Nêçîrvan Barzanî di peyama xwe de amaje bi giringiya vê nîşanê kir û diyar kir ku dayîna vê nîşana bilind nasîna rola berbiçav a Serokê PDK`ê ya ji bo parastina mafên pêkhateyan a li Kurdistan û Îraqê ye .
Nêçîrvan di peyamê de wiha got:
"Ev rûmet ji bo Herêma Kurdistanê cihê şanaziyê ye.
Her wiha ev nîşan qadirdayîna ji bo çanda bihevrejiyanê, hevpejirandin û lêborîna civaka Kurdistanê ye."
Serokê Herêma Kurdistanê Nêçîrvan Barzanî tekez kir ku Başûrê Kurdistanê ji bo parastina pirrengî, maf û azadiyên her kesî, ji bo xurtkirina nirxên aştiyê û rêzgirtina du alî amade ye.
Mesrûr Barzanî: Mesûd Barzanî berdewamkerê mirovdostiyê ye
Serokwezîrê Herêma Kurdistanê Mesrûr Barzanî jî peyameke pîrozbahiyê da.
Mesrûr Barzanî Serokê PDK`ê Mesûd Barzanî weke sembola aşîtiyê bi nav kir û wiha got:
"Serokê PDK`ê berdewamkerê rêbaza pîroz a Barzan û baweriya rastîn a paqijî û mirovdostiyê ye."
Serokwezîrê Herêma Kurdistanê bal kişand ser parastina paşeroja Herêma Kurdistanê û wiha lêzêde kir:
Serokê PDK`ê wekî herdem wê navendeke girîng û geş a pêkvejiyana aştiyane be li deverê û cîhanê."
Spas ji bo rol Serokê PDK`ê Mesûd di parastina pêkhateya Mesîhî û pêkhateyên din ên neteweyî û olî yên Kurdistan û Îraqê de hebû.
