Meclisa Giştî ya taxên Şêxmeqsûd û Eşrefiyê bi boneya 6`emîn salvegera êrîşên li ser bajarên Serêkaniyê û Girê Spî daxuyaniyek li ber Qada Şehîdan a taxa Şêxmeqsûdê da.
Daxuyanî, ji aliyê endamên Meclisa Giştî Mihemed Hec Mistefa û Dunya Bekir ve hate xwendin.
“Êrîşên li Girê spî û Serêkaniyê hatiye dubarekirina êrîşên ku li ser Efrînê ye”
Di daxuyaniyê de hate diyar kirin ku êrîşên li Girê Spî û Serêkaniyê, dubarekirina êrîşên li ser Efrînê ye. Ev êrîş di çarçoveya polîtîkayên guhertina demografîk û tunekirina nasnameya çandî û dîrokî ya herêmê de ye.
“Divê mafên hemû sûriyan werin parastin”
Di daxuyaniyê tekezî li ser çareseriyeke rastîn hat kirin ku bi avakirina Sûriyeke azad û demokratîk a li ser bingeha hemwelatîbûna wekhev û edaleta civakî, bê cudahî, nijadperestî û girêdayîbûna biyaniyan dikare were bidestxistin.
Her wiha piştrast kirin ku pêwîst e hemû kesên li dijî gelê Sûriyê sûc kirine hesab bipirsin, vegera kesên koçber bo malên xwe misoger bikin û divê mafên hemû Sûriyan werin parastin.
Bang hate kirin ku tedbîrên cidî bên girtin
Her wiha di daxuyaniyê de bang li gelê Sûriyê û hemû pêkhateyên wê yên etnîkî û olî hate kirin ku li hemberî van êrîşan bibin yek.
Di dawiya daxuyaniyê de bang li hêzên demokratîk ên Sûriyê û rêxistinên navneteweyî jî hat kirin ku tedbîrên cidî bigirin da ku van binpêkirinan rawestînin û rê li ber dagirkeriya berdewam a Tirkiyê û çeteyên wê bigirin.