Ligel pêvajoya entegrasyonê, piştî rêkeftina di navbera Hêzên Sûriya Demokratîk (QSD) û Hikûmeta Vegûhêz a Sûriyê de di 29`ê Çileyê de berdewam dike, hevdîtinên dîplomatîk ên rayedarên Rêveberiya Xweser a Bakur û Rojhilatê Sûriyê jî berdewam dikin.
Mazlûm Ebdî roja sêşemê li Hewlêrê bi Nûnerê Taybet ê Serokê Amerîkayê yê Kar û Barên Îraq û Sûriyê Tom Barrack re hevdîtinek pêk anîbû.
Hevdîtîna yekem li Îtalyayê bû
Piştî hevdîtinên li Hewlêrê Mazlûm Ebdî û Îlham Ehmed, dest bi gera xwe ya dîplomatîk a li Ewropayê kirin.
Rawestgeha Mazlûm Ebdî û Îlham Ehmed a yekem Îtalya bû.
Mazlûm Ebdî û Îlham Ehmed bi nûnerên Wezareta Karên Derve û Wezareta Parastinê yên Îtalyayê re civiyabûn.
Pîştî Fransayê derbasî Holanda û Belçîkayê bûn
Fermandarê Giştî yê Hêzên Sûriya Demokratîk (QSD) Mazlûm Ebdî û Hevseroka Daîreya Pêwendiyên Derve ya Rêveberiya Xweser Îlham Ehmed piştî hevdîtinên xwe yên li Fransayê dê gera xwe ya dîplomatîk a li Ewropayê bidomînin.
Mazlûm Ebdî û Îlham Ehmed ji Fransayê derbasî Holanda û Belçîkayê bûn û li wan deran bi rayedarên wan welatan re wê bicivin.
