Lijneya Ewlekariya Neteweyî MGK di bin serokatiya Serokkomar Recep Tayyip Erdogan de civiya.
Piştî civîna ku nêzî 2 saetan dom kir, daxuyaniyeke nivîskî hat dayin û tê de behsa peyman û pêvajoyên li Rojhilata Navîn û cîhanê hat kirin.
Hat diyarkirin ku di civînê de ligel lihevkirina di navbera Sûriye û DYAyê de, pêvajoya "Tirkiyeya Bêteror" û geşedanên gerdûnî û herêmî hatine nirxandin.
Di daxuyaniyê de hat diyarkirin ku Tirkiye bi erka xwe wekî welatê garantor, dê destûrê nede ku pêvajoya aştiyê ya li Rojhilata Navîn xera bibe û got:
Me di civînê de xebata ji bo gihîştina armancên 'Tirkiyeya Bêteror' û 'Herêma Bêteror' niqaşkir.
Vîna bihêz a ji bo rizgarkirina gelê me û cîranên me ji barê giran ê terorê hat piştrastkirin.
Di berdwamiya daxuyaniyê de kêfxweşiya li ser lihevkirina navbera Îran û DYA`yê hat diyarkirin û ev tişt hat gotin:
Divê ev pêvajo neyê astengkirin.
Tirkiye dê tevkariya xwe ya çalak di hewldanên ji bo dabînkirina aştî û aramiya mayînde ya li herêmê de berdewam bike.
Her wiha wê piştgiriya me ya ji bo xurtkirina yekbûna Sûriyê berdewam bike.
Ji bilî vê vîna me ya bihêz a ji bo berdewamkirina hevkariya stratejîk a ku di her warî de bi Iraqê re hatiye avakirin, bi Hikumeta nû ya Iraqê re jî hat piştrastkirin.
Her wiha balhatkişandin li ser şerê li Lubnan û Xezayê û hat gotin:
Kiryarên tunder ên Rêvebiriya Îsraîlê li Xezayê dewam dike û ev yek serweriya axa Libnanê hedef digire.
Bandoreke neyînî li ser hewldanên avakirina aştî û aramiya li herêmê dike.
Civaka navneteweyî bêdenge û nirxên mirovî û hiqûqa navneteweyî paşguh dike.
Di heman demê de divê Rûsya û Ukraynayê ji bo aştiyeke adil û mayînde di zûtirîn deman de gavan bavêjin.
