Fermandarê Giştî yê Hêzên Sûriya Demokratîk (HSD) General Mazlûm Ebdî li ser hesabê xwe yê X'ê di der barê êrîşa mûşek û dronan a li dijî Başûrê Kurdistanê de ku tê de 6 Pêşmergeyan jiyana xwe ji dest dan û 30 Pêşmerge jî birîndar bûn, peyama sersaxiyê weşand û selametî ji birîndaran re xwest.
Mazlûm Ebdî di peyama xwe de wiha got:
“Ji ber şehadeta lehengên Herêma Kurdistanê, em xemgîniyê bi gelê Kurd ê li Herêma Kurdistanê û hêzên Pêşmergeyan re parve dikin.
Her wiha em sersaxiyê ji Serok Mesûd Barzanî û hemû rayedarên Herêmê û malbatên şehîdan re dixwazin, bi hêviya şîfayê ji birîndaran re.”
