Duh, maça fînal ya Şampiyoniya Neteweyên Afrîkayê (CHAN), di navber tîman Magrêb û Madagaskar bû. Maç li Paytexta Kenyayê, Nairobiyê hat lîstin.
Madagaskar di xuleka 9an de, bi gola Clavin Manohantsoa pêş ket. Lê tîma magrêb xwe bi hêz kir û di xuleka 25an de, gola wekheviyê bi riya lîstikvan Yûsif Mahrî anî.
Berî dawiya nîva yekem û bi taybetî di xuleka 44an de, Usame Al-Malawi gola duyemîn anî û encam bû 2-1.
Di nîva duyem de, Madagaskar xwe bi hêz kir û di xuleka 68an de, bi rêya lîstikvanê xwe Toki karîbû encamê maçê, wekhev bike.
Di xuleka 80an de, Usame Al-Malawi gola sêyem anî û maç bi encam 3-2 bi dest xist.
Piştî sala 2018 û 2020an, ev cara sêyeme ku Magrêb dibe Şampiyoniya Neteweyên Afrîkayê (CHAN).
