Kûpaya Cîhanê ya FIFA`yê di sala 1930î de dest pê kir û heta niha 964 maç hatine lîstin. Her wiha 2,720 gol hatine avêtin.
Lîsteya golkarên herî baş ên dîroka turnuvaya Kûpaya Cîhanê, bi navên Miroslav Klose di serê turnuvayê de ye û piştre du stêrkên hemdem tên.
Miroslav Klose yê almanî
Miroslav Klose yê Almanyayê bi 16 golên di 24 maçan de li 4 turnuvayan ên salên 2002, 2006, 2010, û 2014an de, di navnîşên golvanên Kûpaya Cîhanê yên hemû deman de pêşengiyê dike.
Piştre Ronaldo yê Brezîlyayê bi 15 golan di 19 maçan de tê, dû re Gerd Muller ê alman bi 14 golan di du turnuvayan de tê.
Lionel Messi yê arjantînî
Ji aliyekî din jî û di serdema nûjen de, lîstikvanê arjantînî Lionel Messi bi 13 golên di 26 maçan di 5 turnuvayên di sala 2006, 2010, 2014, 2018, û 2022`an de tê.
Piştre Kylian Mbappe yê Fransî tê, bi 12 golan bi tenê di du turnuvayayê di sala 2018 û 2022an de.
Mbappe ku di 14 maçan de 12 gol avêtine û rekora efsaneya brezîlyayî Pele ku di 4 turnuvayan de 12 gol avêtine, wekhev dike.
Di derbarê lîstikvanê portugalî Cristiano Ronaldo de, ew ji hevberdana rekora Klose dûr xuya dike ku di 5 maçên berê de tenê 8 gol avêtine.
Her wiha Ronaldo di 41 saliya xwe de, nêzîkî teqawidbûna navneteweyî ye û bi îhtîmala ku Kûpaya Cîhanê ya 2026`an a wî ya dawî be.
Kylian Mbappeyê yê fransî
Her çend xuya dike ku Kylian Mbappe namzedê herî bihêz e ku di serê lîsteya golkarên Kûpaya Cîhanê yên hemî deman de be, ji ber kariyera wî ya navneteweyî berdewam e û îhtîmala beşdarbûna wî di turnuvayên pêşerojê de heye.
Ji aliyekî din ve, ji bo Messi yê 38 salî û Mbappe yê 27 salî, şansek rastîn heye ku pêşengiyê ji Klose bistînin.
Bi berfirehkirina Kûpaya Cîhanê ya 2026`an ku wê 48 tîm ji bo cara yekem di dîrokê de beşdar bibin, ev yek tê wateya ku wê maç bêhtir bên lîstin û derfeta avêtina golan zêdetir dibe, da ku Messi û Mbappe rekora Klose bi dest bixin.
