Serokê Fransayê Emmanuel Macron, tekezî li ser pêwîstiya zelalbûnê di derbarê benda alîkariya hevbeş a Yekîtiya Ewropayê de kir.
Ev piştî wê yekê tê ku rêberên blokê ji rayedaran xwestin ku planekê li ser çawaniya xebitandina vê bendê amade bikin.
Ev bijarte ji ber gumanên li ser pabendbûna Washingtonê bi NATO`yê re derketin holê.
Rexneyên Trump ên li ser NATO`yê ew in ku ji ber di şerê bi Îranê re piştgirî nedane Amerîkayê û gefên wî yên îsal ji bo desteserkirina Greenlandê, hêştin ku Yekîtiya Ewropayê bi lezgînî li ser destnîşankirina şertên alîkariya hevbeş bifikire.
Ev xala YE’yê, berevajî peymana parastina kolektîf a xala 5`an a NATO`yê ye, xala alîkariya hevbeş a YE`yê ne li ser planên operasyonel an avahiyên leşkerî ye.
Ew tenê carekê, ji hêla Fransayê ve di sala 2015`an de, piştî ku çekdarên Îslamîst 130 kes li Parîsê kuştin, hatiye bikaranîn.
Macron di civîneke çapemeniyê de li Yewnanistanê bi Serokwezîr Kyriakos Mitsotakis re got:
"Di derbarê xala 42`yan a paragrafa 7`an de em dizanin ku ji bo me, ew eşkere ye û di vê xalê de cih ji bo şîrovekirin an nezelaliyê tune ye."
"YE'yê wekî temamkerê NATO'yê ye ne wekî alternetîva wê ye"
Macron û Mitsotakis tekez kirin ku divê hewldanên ji bo xurtkirina parastina YE`yê wekî temamkerê NATO`yê ne wekî alternetîva wê, werin dîtin.
