Lîjneya Bilind a Bicihanîna Peymana Ewlehiyê ya Îraq û Îranê civiyan

Ofîsa çapemeniyê ya Şêwirmendê Ewlekariya Neteweyî ya Îraqê der barê civîna Lîjneya Bilind a Bicîhanîna Peymana Ewlehiyê ya di navbera Îraq û Îranê de li Hewlêrê daxuyaniyek weşand.

Di daxuyaniyê de wiha hat gotin:

"Lîjneya Bilind a Bicîhanîna Peymana Ewlehiyê ya Hevpar a di navbera Îraq û Îranê de li Hewlêrê civînek li dar xist.

Şêwirmendê Ewlehiya Neteweyî ya Îraqê Qasim Ebûdî û Wezîrê Karên Navxwe yê Hikûmeta Herêma Kurdistanê Rêber Ehmed beşdarî civînê bûn."

Li gor daxuyaniyê, lîjneyê şert û hûrgiliyên peymana ewlehiyê ya hevpar a di navbera Îraq û Îranê de, bi taybetî li ser misogerkirina ewlehiya sînor, pêşîgirtina qaçaxçîtiyê û parastina ewlehî û aramiyê li seranserê Îraqê nîqaş kir.

Her wiha hat destnîşankirin ku di civînê de, di xalên ku di bendên peymanê de hatine bicîhkirin nirxandin û wiha hate gotin:

“Lîjneya hevpar teqezî li ser pêwîstiya berdewamiya têkilî û kordîneya hevpar di navbera Hikûmeta Federal û Hikûmeta Herêma Kurdistanê de kir ku li gorî rênimayên fermandarê giştî ya hêzên çekdar li ser peymana ewlehiyê bi awayekî ku xizmeta berjewendî û serweriya Îraqê bike.”

Şêwirmendê Ewlekariya Netewî yê Îraqê Qasim Ebûdî ji bo ku bendên peymana ewlehiyê ya hevpar a di navbera Komara Îraqê û Îranê de bişopîne, îro danê sibê gihişt Hewlêrê.