Îsraîl di qonaxên pêşketî ya kontrolkirina Xezeyê de ye û bi sed hezaran kes ji bajêr koç kirine.
Nexweşxaneyên li Xezeyê ragihandin ku duh, di encama topbarana Îsraîlê de zêdetirî 49 kes hatine kuştin.
Ajansa France-Presse ragihand ku ji destpêka operasyona leşkerî ya Îsraîlê ya ji bo dagirkirina bajêr di dawiya Tebaxê de, 450 hezar Filistînî ji bajarê Xezeyê ber bi başûr ve koçber bûne.
Her wiha Çavkaniyan ji malpera nûçeyan a Walla re gotin ku artêşa Îsraîlê di çend demjimêrên borî de operasyona xwe ya ji bo dagirkirina bajarê Xezeyê zêde kiriye, ev yek nîşan dide ku operasyon niha di qonaxên xwe yên pêşketî de ye.
Li gorî daxuyaniyên efserên Îsraîlî ku pêşketinên di çend demjimêrên borî de girîng bûn û ji hêviyên wan derbas bûne.
Fransa di civîna NY de wê naskirina dewleta filistînê ragihîne
Ji aliyê xwe ve, Serokkomarê Fransayê Emmanuel Macron piştrast kir ku welatê wan roja Duşema bê, wê di civînên Civata Giştî de ya Neteweyên Yekbûyî li New Yorkê, bi fermî naskirina dewleta Filistînê ragihîne.
Macron rave kir ku ev naskirin, di çarçoveya planeke aştiyê ya berfireh de tê ku armanc dike ewlehî û aştî ji bo hem Îsraîlî û hem jî Filistîniyan pêk were.
Portekîz beriya civîna civata giştî ya 'NY' wê dewleta Filistînê nas bike
Wezareta Karên Derve ya Portekîzê jî ragihand ku ew ê yekşema bê beriya civîna Civata Giştî ya Neteweyên Yekbûyî, dewleta Filistînê bi fermî nas bike ku tê de nêzîkî 10 welatên din jî wê heman tiştî bikin.