Serokê Rêveberiya Rewşên Awarte yê Parêzgeha Ûrmiyê ragihand ku di encama teqîna gazê ya li avahiyê Rêveberiya Perwerdeyê ya Parêzgeha Urmiyê de 3 kes birîndar bûne.
Li gorî agahiyên ajansa ILNAyê parve kiriye teqînê duh di Saet 11:09' de li avahiyê Rêveberiya Perwerdeyê ya Parêzgeha Urmiyê rû daye.
Serokê Rêveberiya Rewşên Awarte Rezazade da zanîn ku ev teqîn ji ber herîkina gazê û xetimandinê çêbûye.
Li girtîgeha Qerçek a Îranê jinekê jiyana xwe ji dest da
Li aliyê din li Girtîgeha Qerçek a Îranê, Somayeh Raşîdî ji ber ku rewşa tendirustîya wê giran bû, piştî rakirin nexweşxaneya Mofatteh a li Varaminê jiyana xwe ji dest da.
Çavkaniyên mûxalîf û rêxistinên mafên mirovan, eşkere kirin ku dermankirina girtiya 43 salî Somayeh Raşîdî hatiye redkirin, lewma mirina wê encama xemsariyê ye û rejîm hewl dide berpirsiyariya xwe veşêre.
Rêxistinên mafên mirovan mirina Somayeh Raşîdî wekî encama nezîkatiyên xirab û îhmalkirina gitîyan di girtîgehên Îranê de dibîne.