Konfederasyona Sendîkayên Karmendên Giştî (KESK) ya Enqerê li ber baregeha xwe ya li Kolana Selanikê daxuyaniyeke çapemeniyê da.
Berdevka Platformê Tulay Yildirim diyar kir ku ji ber Civîna Bilind a NATO'yê civîn û meşên protestoyî hatine qedexekirin û Enqere bi tedbîrên ewlehiyê yên giran bi bandor hatiye dorpêçkirin.
Yildirim destnîşan kir ku ji 20ê Hezîranê ve di operasyon û mudaxeleyên li dijî xwepêşandanan de 548 kes hatine binçavkirin û xwest ku girtin bi dawî bibin.
"Nato xizmeta şer dike ne ya gel"
Di heman demê de, Hevseroka KESK'ê Ayfer Kocak îdia kir ku NATO'yê qet aştî û refah neaniye ti welatekî.
Kocak bal kişand ser biryara ku di Civîna Bilind a NATO'yê ji bo zêdekirina lêçûnên parastinê hatiye dayîn û diyar kir ku ev bar dê bikeve ser milê karker, teqawîdbûyî û xizmetên giştî.
Kocak îdia kir ku fonên ku ji bo budceya NATO'yê hatine veqetandin dê ji perwerde, tenduristî û xizmetên civakî werin veqetandin û xwest ku kesên hatine girtin serbest werin berdan û Tirkiyê ji NATO'yê derkeve.
Li Stenbolê 12 kes hatin binçavkirin
Li gel vê bîlançoya hatiye eşkerekirin ku li Stenbolê 12 endamên Umut-Sen û Komîteyên Ciwanan ku li Kolana Îstîklalê civîna NATO`yê şermezar dikirin, hatin binçavkirin.
Umut-Senê îdia kir ku kesên hatine binçavkirin rastî muameleya xirab hatine, daxwaza lêpirsînek li ser îdiayên êşkenceyê û serbestberdana tavilê ya kesên di bin çavan de kir.
