Çalakî li hola dêra El Qidîse bi beşdarîbûna Nûnerên hêzên siyasî, olî û şandeyên pêkhateyên Til Temirê yên Kurd, Ereb û Suryan, saziyên civaka sivîl, kesayetên çandî û civakî çalakî hat lidarxistin.
Nûnerê Partiya Demokratîk a Asûr Waêl Mîrza anî ziman ku gelê Asûr di vê rojê de, komkujiyên li dijî wan pêk hatibû bi bîr tînin.
Di serî de Komkujiya Sêfo ya sala 1915`an bû.
Mîrza da zanîn ku ew şehîdên Sêfo, şehîdên Xabûr û her kesê ji bo rûmeta gelê xwe canê xwe feda kiriye ji bîr nakin.
Divê mafê hemû pêkhateyên Sûriyê bê naskirin
Waêl Mîrza wiha axaftina xwe bi dawî kir:
" Di vê demê de eger mafê hemê pêkhateyan li Sûriyeyê neyê naskirin, aramî jî li Sûriyeyê çênabe.
Ev naskirin bi rêya destûreke nû ye ku wekheviyê, pirrengiya civakî û zimanî dabîn dike."
