Li bajarê Til Hemîsê yê gundewarê Qamişlo ku niha di bin kontrola Hikûmeta Veguhêz a Sûriyê de ye, çekdaran goristana şehîdan xerab kirin.
Çavkaniyekê ji bajêr dîmen û wêneyên xirabkirina goristana şehîdan belav kir.
Li gorî hat zanîn ev komên çekdar ku ji Dêrazorê hatine Til Hemîsê, bi zanebûn goristana şehîdan a bajêr bi temamî xerab kirin.
Di goristanê de keç û xortên bajêr û gundewarê wê ku di berxwedana li hemberî çeteyên DAÎŞ'ê de jiyana xwe ji dest dabûn, hene.
Beriya vê jî çekdarên Hikûmeta Veguhêz a Sûriyê êrîşî pakrewangeha bajarê Şedadê ya kantona Cizîrê kirin.
Her wiha li bajarên Reqa, Tebqa, Dêrazor, Minbic û Şêxmeqsûdê jî komên hikûmeta demkî goristanên şehîdan wêran kirin.
Beriya vê jî piştî dagirkirina Efrîn, Serê Kaniyê û Girê Spî çekdarên girêdayî Tirkiyê bi heman hovîtiyê goristanên şehîdan xerab kirin.
