Li navçeya Çerkezkoyê ya Tekîrdagê ya Tirkiyê, Komeleya Lêkolîn û Pêşvebirina Çand û Ziman a Mezopotamyayiyan bû hedefa êrişeke çekdarî û hat ragihandin ku derbarê bûyerê de kesek hatiye binçavkirin.
Kurdên ku li Tekîrdagê dijîn, bi armanca perwerdehî û pêşxistina zimanê Kurdî di sala 2024'an de ev komele ava kiribûn û di vê çarçoveyê de li komeleyê dersên Kurdî dihatin dayîn.
Li gorî agahiyên hatine bidestxistin, şeva borî kes an kesên nasnameya wan nediyar bi çekan êrişî avahiya komeleyê kirin. Piştî rûdana bûyerê, lêpirsîn hat destpêkirin û hêzên ewlehiyê kesekî binçav kirin.
© 2026 – NÛÇE TV Hemû maf parastî ne. Nûçe Rastî ye