Li gorî çavkaniyên herêmî, duh êvarî li navçeya Kuçukçekmeceyê ya bajarê Stenbolê, êrîşeke bi çekan ji aliyê 2 kesên li ser motorsîkletan ku heta niha nasnameya wan nediyare, pêk hat.
Heman çavkaniyan diyar kirin ku êrîşkaran gule li 3 kesên bi navê Levent Oner, Muhammet Gozsu û welatiyê Sûrî Hasan Alî ku li kolana Muhemet Akîf bûn, reşandin.
Di heman demê de, çankaniyan dan zanîn ku piştî êrîşê, êrîşkaran motorsîkletên xwe li qadeke vekirî hiştin û ji cihê bûyerê reviyan.
Her wiha piştî agahdarkirinê, tîmên tenduristiyê û gelek yekîneyên polîsan hatin cihê bûyerê û birîndar veguhestin nexweşxaneyê.
Tevî hemû hewldanan, Muhammet Gozsu û Hasan Alî yên ku birînên wan giran bûn, jiyana xwe ji dest dan. Lê Levent Oner hîn jî dermankirina xwe didomîne.
Di derbarê bûyerê de, lêkolîn berdewam dikin.
