Di konferansa li Şengalê de 200 kes beşdar bûne
Di konferansê de ku li navenda Meclisa gel a Şengalê birê ve diçe, çend semînar û panel tên lidarxistin.
Konferans armanc dike ku nexşerêyekê ji bo parastina mafên civaka Êzidî, eşkerekirina hovîtiya DAIŞ’ê û xurtkirina rêveberiya xwecihî li ser bingeha edaleteke rasteqîn ava bike.
Konferans bi beşdariya rewşenbîran, oldar, serokeşîr, siyasetmedar, rojnamevan û çalakvanên ji derveyî Şengalê jî ji Silêmanî, Memxûr, Mûsil, Bexda, Kerkûk, Hewlêr û Dihokê, hate destpêkirin.
Bi tevahî behsa ferman û qirkirina ku bi ser Êzdiyan de hatiye, tê kirin.
Her wiha behsa jenosîdê û qanûna navneteweyî û rewşa gorên komî, belgeyên sûc û tawanên DAIŞ’ê û mafê malbatên qurbaniyan tê kirin.
Di berdewamiya konferansê de nîqaş li ser mijarên girêdayî entegrasyonê, dewlet û civaka demokratîk jî tên kirin.
